სამშენებლო სამუშაოები აქტიურად მიმდინარეობს ფურტიო-ბუთურაული-ნენიის წყალსადენის მაგისტრალზე. ამ დღეებში შემოტანილი იქნა 150 მმ დიამეტრის ლითონის წყლის მილები. მიმდინარეობს მიწის გრუნტის დამუშავება და ლითონის მილების ჩაწყობა-შედუღებითი სამუშაოები სხალთის მიმართულებით. 29 კმ-იანი წყალსადენის პროექტით გათვალისწინებულ სამუშაოებს ტენდერში გამარჯვებული შპს. ვლადნეფტპროდუქტის წარმომადგენლობა საქართველოში ახორციელებს. პროექტი სამ წლიანია და მისი ღირებულებაა 4 მლნ. 916. 999 ლარი. მიმდინარე სამუშაოები ხელშეკრულების ვადით 1 ნოემბერს დასრულდება. მაგისტრალის მოყვანა ზღვის დონიდან 1260 მეტრის სიმაღლიდან, ხულოს მუნიციპალიტეტის სოფელ რაქვთიდან ხორციელდება და დასრულებული პროექტით შუახევის მუნიციპალიტეტის სამი სოფლის ფურტიოს,ბუთურაულისა და ნენიის მოსახლეობა ისარგებლებს.
0