Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ხაშურის აგრარული ბაზარი, სურსათის ეროვნული სააგენტოს რეკომენდაციებით საქმიანობას ახორციელებს. დადგენილი წესები მკაცრად კონტროლდება. კორონავირუსის გავრცელების პრევენციის მიზნით, ბაზრის ადმინისტრაცია მომხმარებელთა ნაკადისა და სანიტარულ-ჰიგიენური ნორმების დაცვას უზრუნველყოფს, პროცესებში აქტიურად არიან ჩართულები ხაშურის მუნიციპალიტეტის მერიის ზედამხედველობის სამსახურისა და სურსათის ეროვნული სააგენტოს წარმომადგენლები. ღონისძიების ფარგლებში, შესაბამისი ნიშნების მითითებით, გაიმიჯნა სავაჭრო ობიექტის შესასვლელი და გასასვლელი. ჩატარდა ტერიტორიის დეზინფექცია. მოვაჭრეები პირბადეებით და ხელთათმანებით საქმიანობენ. საგანგებო მდგომარეობის ფარგლებში დაწესებული შეზღუდვების ეტაპობრივად შემსუბუქების ფარგლებში, 27 აპრილიდან საქართველოში ღია ტიპის აგრარულ ბაზრებს სამუშაოს განახლების უფლება მიეცათ. თუმცა, მათი ოპერირებისთვის სავალდებულოა ჯანდაცვის სამინისტროსა და სურსათის ეროვნული სააგენტოს მიერ შემუშავებული რეკომენდაციების დაცვა.