Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
ხაშურის მუნიციპალიტეტის სოფლების – ტეზერის, ქვიშხეთის, ცხრამუხასა და გომის მოსახლეობას შიდა ქართლის რწმუნებული გიორგი ხოჯევანიშვილი, პარლამენტის წევრები სიმონ ნოზაძე და კობა კობალაძე და ადგილობრივი თვითმმართველობის წარმომადგენლები შეხვდნენ.
ხელისუფლების წარმომადგენლებმა იმ პროექტებზე ისაუბრეს რაც ხაშურის მუნიციპალიტეტში იგეგმება. ასევე, ისაუბრეს გადაწყვეტილების მიღების პროცესში მოქალაქეების ჩართულობის მნიშვნელობაზე.
მოსახლეობასთან გამართულ შეხვედრებზე საუბარი ინფრასტრუქტურის, სოფლის მეურნეობის, ჯანდაცვისა და სოციალური დაცვის პროექტებს შეეხო.
ადგილობრივებმა შეხვედრაზე მათთვის პრიორიტეტულ საკითხებზე გაამახვილეს ყურადღება. ხელისუფლების წარმომადგენლებმა აღნიშნეს, რომ მსგავსი სახის შეხვედრები საჭირო და აუცილებელია, რათა სამომავლო პროექტები მოსახლეობის აზრის გათვალისწინებით დაიგეგმოს.