ხობში გზების რეაბილიტაცია მიმდინარეობს

Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.

ხობის მუნიციპალიტეტში გზების რეაბილიტაციის ახალი ეტაპი დაიწყო:  ძველი ხიბულის ადმინისტრაციული ერთეულის საჯაკონიოს უბანში გზის რეაბილიტაცია მიმდინარეობს.
დაიგება ცემენტ-ბეტონის საფარი; მოეწყობა ლითონის ცხაურები და მილხიდები;
პროექტის ღირებულება – 88500 ლარია; სამუშაოს ელექტრონულ ტენდერში გამარჯვებული კომპანია შპს „შარა-გზამშენი პირველი“ ახორციელებს. უახლოეს დღეებში პირველი მაისის და პატარა ფოთის ადმინისტრაციულ ერთეულებში გზების კეთილმოწყობა დაიწყება: პატარა ფოთში: 3920 მეტრ მანძილზე დაიგება ცემენტ-ბეტონის საფარი;
მოეწყობა ეზოებში შესასვლელები; პროექტის ღირებულება 1 მილიონ 118 ათასი ლარია; სამუშაოს შპს „პრაიმ ბეტონი“ განახორციელებს. პირველ მაისში: 2000 მეტრ მანძილზე დაიგება ცემენტ-ბეტონის საფარი; მოეწყობა შესასვლელები და მილ-ხიდები; პროექტის ღირებულება 560 ათასი ლარია; სამუშაოს შპს „შარა-გზამშენი პირველი“ განახორციელებს.