Доступно только по Грузински For the sake of viewer convenience, the content is shown below in the alternative language. You may click the link to switch the active language.
დედაქალაქის მუნიციპალიტეტის წარმომადგენლობითი ორგანოს ქონების მართვისა და საფინანსო-საბიუჯეტო კომისიის თავმჯდომარემ ჯაბა სამუშიამ საზოგადოების „ფერეიდანი“ წარმომადგენლებს და მწერალს მელიქ რაჰიმს (რამიშვილი) უმასპინძლა.
სტუმრებმა დეპუტატს მელიქ რაჰიმის ოთხი წიგნის ქართულ ენაზე თარგმნასთან დაკავშირებით შუამდგომლობის თხოვნით მიმართეს.
როგორც მათ განაცხადეს, აღნიშნული ლიტერატურა ირანში სპარსულ ენაზე გამოიცა და ფერეიდნელი ქართველების ცხოვრებასა და ისტორიას ასახავს.
შეხვედრის დასასრულს, რომელიც საკრებულოში გაიმართა, ჯაბა სამუშიამ სტუმრებს სიმბოლური საჩუქრები გადასცა და კომპეტენციის ფარგლებში დახმარება აღუთქვა.