Доступно только по Грузински For the sake of viewer convenience, the content is shown below in the alternative language. You may click the link to switch the active language.
ზუგდიდის მუნიციპალიტეტის გამგებლის პირველმა მოადგილემ მამუკა წოწერიამ , გამგეობის ეკონომიკური პროგრამების და ინფრასტრუქტურის სამსახურის წარმომადგენლებთან ერთად, ნარაზენი-შამადელას დამაკავშირებელი გზის ის მონაკვეთი დაათვალიერა, რომელსაც რეაბილიტაცია მიმდინარე წელს ჩაუტარდება. შამადელა-ნარაზენის ადმინისტრაციული ერთეულების დამაკავშირებელი საავტომობილო გზა უკვე წლებია ავარიულია და გადაადგილების პრობლემას ქმნის. სარეაბილიტაციო გზის სიგრძე 6000 მეტრი, ხოლო სიგანე 5 მეტრია. გზის რეაბილიტაცია მიმდინარე წელს განხორციელდება და ბეტონის საფარი დაიგება. პროექტი რეგიონებში განსახორციელებელი პროექტების ფონდიდან დაფინანსდება. პროექტის ღირებულება 2 880 000 (ორი მილიონ რვაას ოთხმოცი ათასი) ლარია.