Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
9 მაისი-ფაშიზმზე გამარჯვების დღე მცხეთა-მთიანეთის რეგიონშიც აღინიშნა. მეორე მსოფლიო ომის დასრულებიდან 76 წელი გავიდა. ამ დღის აღსანიშნავად, მცხეთა-მთიანეთის მხარის სახელმწიფო რწმუნებულმა დავით ნოზაძემ, მცხეთის მუნიციპალიტეტის მერთან გიორგი კაპანაძესთან, მცხეთის მუნიციპალიტეტის საკრებულოს თავმჯდომარე გელა ბაქრაძესთან და თვითმართველობის სხვა წარმომადგენლებთან ერთად გმირთა მემორიალი გვირგვინით შეამკო. ფაშიზმზე გამარჯვების 76-ე წლისთავი აღნიშნეს დუშეთში, თიანეთსა და ყაზბეგშიც. ადგილობრივი ხელისუფლების წარმომადგენლებმა გმირთა მემორიალები გვირგვინებით შეამკეს. დღეის მონაცემებით, ომის ვეტერანებისა და მათთან გათანაბრებული პირების რაოდენობა მცხეთა-მთიანეთის მხარეში ათ ადამიანს შეადგენს. მეორე მსოფლიო ომის ვეტერანებმა და მათთან გათანაბრებულმა პირებმა, ასევე, გარდაცვლილი ვეტერანების ოჯახებმა, სახელმწიფოს მხრიდან ერთჯერადი ფულადი დახმარება მიიღეს.