Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
NDI-ის კვლევაში, ჩვენი პარტიის ადგილი რომ არ ჩანს, უკვე ცხადია, რომ კვლევა გაყალბებულია, – ამის შესახებ პარლამენტის წევრი, პარტიის ”ერთიანი საქართველოსთვის” წარმომადგენელი თამაზ მეჭიაური აცხადებს.
”ეს კვლევა არის ”ნაციონალური მოძრაობის” დაკვეთა, რომელიც ასევე აწყობს ”ქართულ ოცნებას”, – განაცხადა მეჭიაურმა.
“ეროვნულ-დემოკრატიული ინსტიტუტის” კვლევის თანახმად, გამოკითხულთა 32% იმ ამომრჩევლებიდან, რომლებიც არჩევნებზე წასვლას გეგმავენ და გადაწყვეტილი აქვთ, ვის დაუჭერს მხარს, ხვალ რომ საპარლამენტო არჩევნები იყოს, ხმას „ქართულ ოცნებას“ მისცემდა, ხოლო 26% – “ნაციონალურ მოძრაობას“.
კვლევის თანახმად, გამოკითხულთა 10%-მა პასუხზე უარი განაცხადა, 7% – “პატრიოტთა ალიანსს” მისცემდა ხმას, 6%-მა არ იცის, 6%-ხმას მისცემდა მოძრაობას “სახელმწიფო ხალხისათვის, 2% – არც ერთ პარტიას, ხოლო სხვა პარტიებს გამოკითხულთა 11 % მისცემდა ხმას.
რაც შეეხება უშუალოდ შეკითხვას, ხვალ, რომ საპარლამენტო არჩევნები ტარდებოდეს, მიიღებდით თუ არა მონაწილეობას, დადებითი პასუხი რესპონდენტთა 67 %-მა გასცა. 33 %-ს შეადგენს, ვინც სავარაუდოდ არ აპირებს არჩევნებზე წასვლას.