ახალციხის მერიამ, რუსთაველის ქუჩაზე N99 საცხოვრებელი კორპუსთან, ასევე 9 აპრილისა და ასპინძის ქუჩებზე სკვერები მოაწყო. 9 აპრილის ქუჩაზე გაკეთებული სკვერი ოთხი ათასი მესხის სახელობისაა. რუსთაველისა და ასპინძის ქუჩებზე მოწყობილ სკვერებში კი ბავშვების გასართობი ატრაქციონებიც დაიდგა.
სამივე სკვერის სამშენებლო სამუშაოებს შპს “მშენებელი – 2004” ასრულებდა. კომპანიამ ტენდერი 220 499 ლარად მოიგო. სამშენებლო სამუშაოები სამი თვის განმავლობაში მიმდინარეობდა.
ახალი სკვერები ახალციხის მერმა ვლადიმერ ზედგინიძემ და ასევე ახალციხის მუნიციპალიტეტის ახლადარჩეულმა მერმა ზაზა მელიქიძემ გახსნეს.
0