Доступно только по Грузински For the sake of viewer convenience, the content is shown below in the alternative language. You may click the link to switch the active language.
იმერეთში სახელმწიფო რწმუნებულის მოადგილემ ბესიკ გოფოძემ და სამტრედიის მერმა ვალერი ფოცხვერიამ მუნიციპალიტეტის მასშტაბით მიმდინარე და დასრულებული ინფრასტრუქტურული პროექტები დაათვალიერეს. კონკრეტულად გაეცნენ: საჯარო სკოლების, ბაგა-ბაღების, სპორტული მოედნებისა და საავტომობილო გზების სამუშაოებს. სამტრედიის მუნიციპალტიეტში საჯარო სკოლების რეაბილიტაციისთვის რეგიონალური განვითარების ფონდიდან და ადგილობრივი ბიუჯეტიდან 860 000 ლარი იხარჯება. სამუშაოები ძირითადად მოიცავს გადახურვას, სველი-წერტილების და კარ-ფანჯრების მოწესრიგებას.
სამტრედიაში აქტიურად მიმდინარეობს სკოლამდელი დაწესებულებების სარეაბილიტაციო სამუშაოები, რომლისთვისაც ბიუჯეტიდან 354 000 ლარია გამოყოფილი. რაც შეეხება საავტომობილო გზების მოწესრიგებას, მუნიციპალიტეტის მასშტაბით ასფალტო-ბეტონის საფარი დაიგება და ამ მიმართულებით წელს 4 998 000 ლარი იხარჯება. ხელისუფლების წარმომადგენლებმა ლაშა თევზაძის ქუჩაზე, ჩოგბურთის კორტების მშენებლობის პროცესიც დაათვალიერეს. აღნიშნული სამუშაოები ადგილობრივი ბიუჯეტიდან ფინანსდება.