Доступно только по Грузински For the sake of viewer convenience, the content is shown below in the alternative language. You may click the link to switch the active language.
თბილისის განვითარების ფონდი ზემო კალაუბანში სამშენებლო-სარეაბილიტაციო სამუშაოებს ერთდროულად რამდენიმე მისამართზე ახორციელებს. საცხოვრებელი სახლების მშენებლობა და რეაბილიტაცია აქტიურად მიმდინარეობს თუმანიანის ქუჩა N1-ში, თუმანიანის 2 ჩიხი N3-სა და ბეთლემის ქუჩა N10-ში. თუმანიანის 2 ჩიხი N3-ში დასრულდა საყრდენი კედლის გამაგრების სამუშაოები და ამჟამად მიმდინარეობს ამავე კედლის საფუძვლიანად მოწყობა.
სამშენებლო-სარეაბილიტაციო სამუშაოები აღნიშნულ მისამართზე 2016 წლის ივნისში დასრულდება.
ბეთლემის ქუჩა N10 -ში საცხოვრებელი სახლის მშენებლობა აქტიურ ფაზაშია. დასრულებულია საძირკველის ამოყვანის სამუშაოები და მიმდინარეობს შენობის კონსტრუქციის აგება. .
მძიმე ავარიულ მდგომარეობაში მყოფი შენობის დემონტაჟი 2014 წელს განხორციელდა, რის გამოც აქ მცხოვრები 12 ოჯახი თბილისის განვითარების ფონდმა დროებით საცხოვრებლით უზრუნველყო.
სამშენებლო სამუშაოები ბეთლემის ქ N10-ში 2016 წლის ივნისში დასრულდება.
თუმანიანის N1-ში დარჩენილია შენობის შიდა სარემონტო და გარე ფასადის მოსაპირკეთებელი სამუშაოები.
აღნიშნულ მისამართზე საცხოვრებელი სახლის სამშენებლო სამუშაოები 2016 წლის გაზაფხულზე დასრულდება.