Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
გურიის გუბერნატორი მერაბ ჭანუყვაძე აჭარაში მცხოვრები ქობულაძეების ოჯახის ხუთი წევრის ტრაგიკულად გარდაცვალების გამო მწუხარებას გამოთქვამს.
” ლანჩხუთში მომხდარი ტრაგედია შემაძრწუნებელია. ძნელია სიტყვებით გადმოსცე ის წუხილი, რასაც ამ უმძიმესი შემთხვევის გამო განვიცდი. თანავუგრძნობ მათ ახლობლებს”, – მერაბ ჭანუყვაძე.
გურიაში, დღეს დილით, ლანჩხუთის მუნიციპალიტეტის სოფელ ჩიბათთან მომხდარ ავტოსაგზაო შემთხვევას ხუთი ადამიანი ემსხვერპლა. ტრაილერს მისაბმელი მოწყდა, რომელიც მსუბუქ ავტომობილს დაეცა. ავტომობილში მყოფი 6 მგზავრიდან 5 დაიღუპა, 1 კი საავადმყოფოშია გადაყვანილი, რომლის მდგომარეობაც ამ დროისათვის სტაბილურია. გარდაცვლილები ერთი ოჯახის წევრები არიან.