ვოკალურ – ინსტრუმენტული ანსამბლის „სტიქია“ – ს აქცია კონცერტები დაიწყო. მუსიკალური აქცია ჯგუფის შემოქმედებითი ცხოვრების გაცნობას ემსახურება. პირველი შეხვედრა ჯგუფის წევრებმა ე. შალამბერიძის სახელობის ხელოვნების გიმნაზიაში გამართეს. ანსამბლმა აუდიტორიას ერთ საათიანი პროგრამა წარუდგინა. რეპერტუარში საკუთარი ინტერპრეტაციით შექმნილი ქართული და უცხოური სიმღერებია წარმოდგენილი. აქცია – კონცერტს მუნიციპალიტეტის გამგებლის მოადგილე ვახტან ღამბაშიძეც დაესწრო. ვოკალურ – ინსტრუმენტული ანსამბლის წევრები ერთმანეთს პირველად საქველმოქმედო კონცერტზე შეხვდნენ და ანსამბლის შექმნის იდეაც მაშინ გაჩნდა. დღეს ანსამბლი კულტურისა და შემოქმედების ცენტრთან არსებობს. მუსიკალური ჯგუფის ხელმძღვანელი არჩილ ყინჩიყიძეა, ანსამბლი კი 15 წევრს აერთიანებს.
ვოკალურ – ინსტრუმენტული ანსამბლი „სტიქია“ ზესტაფონში აქცია – კონცერტებს იწყებს.
27/06/2017