საქართველოს რეგიონული განვითარებისა და ინფრასტრუქტურის მინისტრმა, ზურაბ ალავიძემ პოლონეთის რესპუბლიკის საგანგებო და სრულუფლებიან ელჩს საქართველოში, მარიუშ მაშკიევიჩს უმასპინძლა. გაცნობითი ხასიათის შეხვედრაზე მხარეებმა პოლონეთსა და საქართველოს შორის ორმხრივი ურთიერთობები და მათი შემდგომი განვითარების შესაძლებლობები განიხილეს. შეხვედრაზე, განსაკუთრებულად აღინიშნა ორ ქვეყანას შორის არსებული მტკიცე და მჭიდრო კავშირების მნიშვნელობა. მარიუშ მაშკიევიჩმა კიდევ ერთხელ დაადასტურა პოლონეთის მხარდაჭერა საქართველოს მიმართ და გამოთქვა მზაობა, მაქსიმალურად შეუწყოს ხელი ქვეყანებს შორის სხვადასხვა სფეროში არსებული თანამშრომლობის გაღრმავებას.
ზურაბ ალავიძე პოლონეთის რესპუბლიკის ელჩს შეხვდა
14/02/2017