Доступно только по Грузински For the sake of viewer convenience, the content is shown below in the alternative language. You may click the link to switch the active language.
თელავის ვაჟა-ფშაველას სახელობის სახელმწიფო პროფესიული თეატრის სცენაზე მუსიკის საერთაშორისო ფესტივალი გაიხსნა, სადაც მაყურებლის წინაშე სოლო კონცერტით წარსდგა მსოფლიოში სახელგანთქმული მუსიკოსი – ბორის ბერეზოვსკი. მის მიერ შესრულებულ იქნა ედვარდ გრიგის, ალექსანდრე სკრიაბინის, ფრიდერიკ შოპენისა და მილი ბალაკირევის საფორტეპიანო ნაწარმოებები. დამსწრე საზოგადოებას ფესტივალის გახსნა მიულოცა და სიტყვით მიმართა თელავის მუნიციპალიტეტის მერმა – შოთა ნარეკლიშვილმა.
ღონისძიებას ასევე ესწრებოდნენ: კახეთის მხარეში სახელმწიფო რწმუნებული – გუბერნატორი ირაკლი ქადაგიშვილი, გუბერნატორის მოადგილე – გივი მეტრეველი, თელავის მუნიციპალიტეტის მერიის კულტურის, განათლების, სპორტისა და ახალგაზრდობის საქმეთა სამსახურის უფროსი – ფიქრია ყუშიტაშვილი, ადგილობრივი ხელისუფლების წარმომადგენლები და მოწვეული სტუმრები.