საქართველოს პარლამენტის თავმჯდომარე კონსტიტუციური კანონის პროექტის საშემოდგომო სესიაზე განხილვის დაწყების შესახებ არასამთავრობო სექტორის მოწოდებას ეხმაურება.
„ეს მოწოდება არის საფუძველს მოკლებული. პროექტთან დაკავშირებით კითხვები, პრაქტიკულად, აღარ არის დარჩენილი. კონსტიტუციური კანონი არის გადაღეჭილი. ისე არის მომზადებული პრაქტიკულად, ახალი დოკუმენტი, თითოეული მუხლი არის ზედმიწევნით გავლილი. სახელმწიფო საკონსტიტუციო კომისიაში შეხვედრების სამი რაუნდი ჩავატარეთ. ვატარებთ საკომიტეტო განხილვებს და ამას დაემატება პლენარული განხილვები. ამაზე მეტად, ფიზიკურად ვერ განიხილავ კონსტიტუციის გადასინჯვის პროექტს. აქედან გამომდინარე, როცა რაღაცისკენ მოგიწოდებენ, ეს მოწოდება უნდა იყოს დასაბუთებული. დასაბუთებული ეს მოწოდება არ არის“,- განაცხადა საქართველოს პარლამენტის თავმჯდომარემ.
0