Доступно только по Грузински For the sake of viewer convenience, the content is shown below in the alternative language. You may click the link to switch the active language.
საქართველოს რეგიონული განვითარებისა და ინფრასტრუქტურის მინისტრი მაია ცქიტიშვილი, მცხეთა-მთიანეთის სახელმწიფო რწმუნებულთან შალვა კერესელიძესთან, მუნიციპალური განვითარების ფონდის აღმასრულებელ დირექტორთან გიორგი შენგელიასთან და ადგილობრივი თვითმმართველობის წარმომადგენლებთან ერთად, დუშეთში ისტორიული სახლების რეაბილიტაციის პროცესს გაეცნო.
პროექტი ითვალისწინებს ქალაქ დუშეთის ცენტრალური ნაწილის – რუსთაველის, ერეკლე II-ის, ჭავჭავაძის, კოსტავას, წმ. ნინოს, შამანაურის ქუჩებისა და ცენტრალური პარკის მიმდებარე შენობა-ნაგებობების რეაბილიტაციას. მათ შორისაა განსაკუთრებული ისტორიული ღირებულების მქონე ილია ჭავჭავაძისა და აპრელოვების სახლები. გათვალისწინებულია გზის საფარის, ტროტუარებისა და გარე განათებების მოწყობაც.
ჯამში რესტავრაცია XIX-XX საუკუნეების მიჯნაზე აშენებულ 40 ისტორიულ სახლს ჩაუტარდება, რომელთაგან 24-ს კულტურული მემკვიდრეობის სტატუსი აქვს მინიჭებული. პროექტის მიზანია ისტორიული და არქიტექტურული ღირებულების მქონე შენობების პირვანდელი სახით აღდგენა.
სამუშაოებს საქართველოს მუნიციპალური განვითარების ფონდი მსოფლიო ბანკის ფინანსური მხარდაჭერით ახორციელებს. პროექტის ღირებულება 5 მილიონ ლარს აჭარბებს.