Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
მცხეთა-მთიანეთის სახელმწიფო რწმუნებულმა გუბერნატორმა გოჩა ზეიკიძემ, პირველ მოადგილესთან კობა არაბულთან, მუნიციპალური განვითარების ფონდის, ეროვნული მუზეუმისა და დუშეთის მუნიციპალიტეტის წარმომადგენლებთან ერთად, ქალაქ დუშეთში, ჭილაშვილების სასახლის რეაბილიტაცია-რეკონსტრუქციის კონცეფცია განიხილა. ისტორიული მნიშვნელობის ციხე-დარბაზის აღდგენითი სამუშაოები, მსოფლიო ბანკის დაფინანსებით, მუნიციპალური და ეროვნული მუზეუმის კონცეფციების თანხვედრის შემდეგ დაიწყება. საკითხის დეტალურად შესწავლის შემდეგ, ერთიანი კონცეფციის ჩამოსაყალიბებლად, 10 დღის ვადაში, სამხარეო ადმინსტრაციაში მორიგი სამუშაო შეხვედრა გაიმართება.