დღეს შუახევის მუნიციპალიტეტის გამგეობისა და კულტურის ცენტრის ინიციატივით სოფელ ხაბელაშვილებში პირველი ეთნოგრაფიული მუზეუმი გაიხსნა. მუზეუმში ჭვანის ხეობის სხვადასხვა სოფლის ეთნოგრაფიული ყოფაცხოვრების ამსახველი ექსპონანტები და ხალხური რეწვის ნიმუშებია განთავსებული, რომლებიც სპეციალურად მუზეუმისთვის ამავე სოფლის მკვიდრმა ტარიელ ბოლქვაძემ შეაგროვა. მუზეუმის გახსნას მუნიციპალიტეტის გამგებელი ტარიელ ებრალიძე, საკრებულოს თავმჯდომარე ნოდარ ქარცივაძე, გამგებლის მოადგილე რუსუდან შავაძე, კულტურის ცენტრის წარმომადგენლები და საქართველოს ფოლკლორის სახელმწიფო ცენტრის სახვითი და გამოყენებითი ხელოვნების მიმართულების ხელმძღვანელი ცისანა მარინდაშვილი ესწრებოდნენ.
0