Sorry, this entry is only available in ქართული. For the sake of viewer convenience, the content is shown below in the alternative language. You may click the link to switch the active language.
2017 წლის ივლისში ეკონომიკურმა ზრდამ 3,8% შეადგინა, ხოლო 7 თვეში წინასწარი მონაცემებით, საშუალო ეკონომიკური ზრდა 4,4% იყო.
მიმდინარე წლის ივლისში მშპ-ს მნიშვნელოვანი რეალური ზრდა დაფიქსირდა შემდეგ სფეროებში:
მშენებლობა – ზრდა 11.7%;
სასტუმროები და რესტორნები – ზრდა 16.4%;
ვაჭრობა – ზრდა 4.8%.
როგორც ცნობილია საქართველოში ეკონომიკური ზრდის მთავარი წარმმართველი და სამუშაო ადგილების შემქმნელი არის კერძო სექტორი. შესაბამისად, განსაკუთრებით მნიშვნელოვანია კერძო სექტორის განვითარების მაჩვენებლების შეფასება.
კერძოდ, ბოლო მონაცემებით, 2017 წლის 2 კვარტალში ბიზნეს სექტორის ბრუნვა წინა წლის ანალოგიურ პერიოდთან შედარებით 16.9%-ით გაიზარდა, ხოლო სექტორის გამოშვება – 18.9%-ით.
ზრდა არის კერძო სექტორში დასაქმების მიმართულებითაც. 2017 წლის მეორე კვარტალში დასაქმებულთა საშუალო რაოდენობა 5.0%-ით, ხოლო დაქირავებით დასაქმებულთა რაოდენობა 6.0%-ით გაიზარდა. მზარდი ტენდენცია შენარჩუნდა ბიზნეს სექტორში დასაქმებულთა საშუალოთვიური ხელფასის თვალსაზრისითაც. აღნიშნული მაჩვენებელი 2016 წლის მეორე კვარტალთან შედარებით 13.2%-ით არის გაზრდილი და 1 106.9 ლარს შეადგენს.
საქმიანობის სახეების მიხედვით ბრუნვა გაზრდილია თითქმის ყველა სექტორში. ბიზნეს სექტორის ბრუნვის ზრდაში ყველაზე მაღალი წვლილი ვაჭრობის (ზრდა 14%); ხელოვნება, გართობა, დასვენების (ზრდა 39%), დამამუშავებელი მრეწველობის (19%), მშენებლობის (21%) და ენერგეტიკის სექტორებმა (21%) შეიტანეს.
ეკონომიკური ზრდის თვალსაზრისით ძალზე მნიშვნელოვანია საგარეო ფაქტორები. ამ მხრივაც დადებით ტენდენციებია.
კერძოდ, 2017 წლის 7 თვეში ექსპორტის ზრდამ 28,9% შეადგინა. გაზრდილია შემდეგი პროდუქტების ექსპორტი:
სპილენძის მადნების და კონცენტრატების ექსპორტი 21%-ით;
ფეროშენადნობის ექსპორტი 14%-ით;
ღვინის ექსპორტი 38%-ით;
სამკურნალო საშუალებების ექსპორტი 105%-ით;
სპირტიანი სასმელების ექსპორტი 52%-ით.
და ბოლოს, განსაკუთრებით აღსანიშნავია შთამბეჭდავი მონაცემები ტურიზმის მიმართულებით.
კერძოდ, მხოლოდ 2017 წლის აგვისტოში საქართველოში ტურისტების რეკორდული რაოდენობა – 1 მილიონზე მეტი ადამიანი შემოვიდა, რაც წინა წლის ანალოგიურ მაჩვენებლზე 27.4%-ით მეტია. 24 საათი და მეტი ვადით დარჩენილი ტურისტების რაოდენობამ 573.4 ათასი ადამიანი შეადგინა (ზრდა 27.2%).
ზოგადად, უპრეცედენტო ზრდით გამოირჩევა არა მხოლოდ აგვისტო, არამედ მთლიანად ზაფხულის სეზონი. კერძოდ, 2017 წლის ივნისი-აგვისტოს მონაცემებით საქართველოს ესტუმრა 2.7 მლნ.-ზე მეტი საერთაშორისო ვიზიტორი (ზრდა 28%), აქედან 24 საათი და მეტი დროით შემოვიდა 1.4 მლნ-ზე მეტი ტურისტი (ზრდა 32.7%).
მთლიანად 2017 წლის 8 თვეში საქართველოს 5 მლნ.-ზე მეტი საერთაშორისო ვიზიტორი ესტუმრა (ზრდა 18.9%), აქედან ტურისტი – 2.4 მლნ. ადამიანი (ზრდა 29.4%).
ქვეყნების მიხედვით კვლავ ლიდერობენ მეზობლები – აზერბაიჯანი, რუსეთი, სომხეთი, ასევე ევროკავშირის ქვეყნები. ამავე დროს, უპრეცედენტოთ მაღალი ზრდა დაფიქსირდა ირანიდან (+141.9%), საუდის არაბეთიდან (196.4%) და ინდოეთიდან (98.9%).