ბესიკ ამირანაშვილი, ახალციხის მუნიციპალიტეტში მიმდინარე ინფრასტრუქტურულ პროექტებს გაეცნო

18/03/2023

სამცხე-ჯავახეთის მხარეში სახელმწიფო რწმუნებული ბესიკ ამირანაშვილი, მოადგილე შოთა როსტიაშვილი, ახალციხის მუნიციპალიტეტის მერი ირაკლი ლაზარაშვილი და საკრებულოს თავმჯდომარე დავით ლომიძე, ადგილობრივი ხელისუფლების წარმომადგენლებთან ერთად მუნიციპალიტეტში მიმდინარე ინფრასტრუქტურულ პროექტებს გაეცნენ. მუნიციპალიტეტში აქტიურად გრძელდება საგზაო ინფრასტრუქტურის მოწესრიგება. სოფელ მუგარეთში შიდა საავტომობილო გზის რეაბილიტაცია მიმდინარეობს. პროექტის ფარგლებში გზაზე ასფალტის საფარი დაიგება, ასევე, მოეწყობა სანიაღვრე არხი, გვერდულები, ეზოებში შესასვლელები, მიერთებები, ლითონის ცხაურები და რკინა-ბეტონის კედელი. აგრეთვე, დაიწყო ახალციხის მუნიციპალიტეტის სოფელ აწყურის ცენტრალური გზის სარეაბილიტაციო სამუშაოები, სადაც ასფალტის საფარი დაიგება 1294 მეტრიან მონაკვეთზე, მოეწყობა სანიაღვრე არხი და საყრდენი კედელი. სამუშაოები რეგიონებში განსახორციელებელი პროექტების ფონდიდან და ადგილობრივი ბიუჯეტიდან გამოყოფილი თანხით ფინანსდება

Tweet about this on TwitterShare on Facebook0