ქალაქ ხაშურში, პუშკინის ქუჩაზე მინი სტადიონისა და სკვერის მშენებლობის პროექტი აქტიურად მიმდინარეობს. სამუშაოებს ადგილზე აკვირდებოდნენ ხაშურის მუნიციპალიტეტის მერი გიორგი გურასპაშვილი, მერის მოადგილე ზურაბ როსებაშვილი და ინფრასტრუქტურის განყოფილების უფროსი გიორგი პაპიაშვილი. მათი განმარტებით, პროექტს ადგილობრივი ბიუჯეტი აფინანსებს და მისი ჯამური ღირებულება 65 784 ლარს შეადგენს. მინი სტადიონის მშენებლობა ხელს შეუწყობს ჯანსაღი ცხოვრების წესის პოპულარიზაციას. მნიშვნელოვანია, რომ სკვერში დასასვენებელ სკამებთან ერთად, პატარებისთვის დამონტაჟდება ატრაქციონები, რაც დასვენებასა და გართობას კიდევ უფრო სასიამოვნოს გახდის.
0